Sunako

O se nofoaga e fono ai e faaaoga mo faamoemoega faalelotu. I taimi o le Feagaiga Fou, sa faigofie lava meaafale sa faaaogaina, e aofia ai se ato laau o loo i ai ni tusitaai o le tulafono ma isi tusitusiga paia, o se laulau faitau, ma nofoa mo tagata tapuai.

O se aufono a toeaina i le alaalafaga e pulea sunako taitasi. Latou te filifili po o ai e tatau ona faataga i totonu o le sunako o ai foi e le tatau (Ioane 9:22; 12:42). O le tofiga sili ona taua o le pule o le sunako (Luka 13:14; Mare. 5:22). E masani lava o ia o se tusiupu, e vaaia le fale, ma vaaia le faiga o sauniga. O se tasi sa faia tiute faafailautusi (Luka 4:20).

Sa i ai se sunako i aai taitasi i mea sa nonofo ai tagata Iutaia, i totonu o Palesitina ma isi nofoaga. O lenei mea sa avea o se fesoasoani tele i le faasalalauina o le talalelei a Iesu Keriso auā o faifeautalai anamua a le Ekalesia sa mafai ona latou lauga atu i totonu o sunako (Galu. 13:5, 14; 14:1; 17:1, 10; 18:4). O lenei lava masaniga sa i ai foi i faifeautalai i le Tusi a Mamona (Alema 16:13; 21:4–5; 32:1), e faapea foi i faifeautalai muamua o lenei tisipenisione (MF&F 66:7; 68:1).