Iosua
O se perofeta ma se taitai o le Feagaiga Tuai, ma o lē na sui ia Mose. Na fanau o ia i Aikupito a o lei sosola ese le fanauga a Isaraelu (Numera 14:26–31). O ia ma Kalepo sa i ai i sipai e toasefululua na auina atu i Kanana. Naʼo laua lava na tuuina atu se lipoti lelei e uiga i le laueleele (Numera 13:8, 17–33; 14:1–10). Na oti o ia i le 110 o ona tausaga (Iosua 24:29). O Iosua o se faataitaiga sili o se perofeta ma se toa faamaoni.
O le tusi a Iosua
Ua faaigoaina lenei tusi ia Iosua auā o ia o le tagata autū i lenei tusi ae le faapea ona o ia o lē na tusia le tusi. O le mataupu 1–12 ua faamatala mai ai le faatoilaloina o Kanana; O le mataupu 13–24 ua faamatala mai ai le vaevaeina e ituaiga o Isaraelu le laueleele ma fautuaga mulimuli a Iosua.
E lua ni fuaiupu lauiloa i le tusi a Iosua o le poloaiga a le Alii ia te ia ia mafaufau loloto i tusitusiga paia (Iosua 1:8) ma le valaau a Iosua i le nuu ia faamaoni i le Alii (Iosua 24:15).