Osana

O se upu mai le gagana Eperu o lona uiga o le “faamolemole laveai i matou” ma o loo faaaogaina i viiga ma talosaga.

O Taumafataga o Falefetafai, lea sa faamanatu ai le laveaiina o Isaraelu i le laueleele folafolaina, e tauloto ai e tagata upu o le Salamo 118 ma talotalo a latou lala laupama. I le ulufale manumalo atu o le Alii i Ierusalema, na alalaga ai le motu o tagata, “Osana” ma fola lala laupama e tietie atu ai Iesu, ua faapea ona faaali atu ai lo latou malamalama o Iesu o le Alii lava e tasi o lē na laveaiina Isaraelu anamua (Sala. 118:25–26; Mata. 21:9, 15; Mare. 11:9–10; Ioane 12:13). Sa iloa e nei tagata o Keriso o le Mesia ua leva ona faatalitali i ai. O le upu Osana ua avea o se faamanatuga o le Mesia i tupulaga uma lava (1 Ni. 11:6; 3 Ni. 11:14–17). O le alagaina o le osana sa aofia ai i le faapaiaga o le Malumalu o Katelani (MF&F 109:79) ma ua avea nei o se vaega o le faapaiaga o malumalu i ona po nei.