Manase
I le Feagaiga Tuai, o le atalii ulumatua o Asenati ma Iosefa lē na faatau atu i Aikupito (Kene. 41:50–51). O ia ma lona uso o Efaraima o ni atalii o le atalii o Iakopo (Isaraelu) ae na avea i laua ma tamafai ma sa faamanuiaina e ia o i laua e pei lava o ni ona lava atalii (Kene. 48:1–20).
O le ituaiga o Manase
O e na tupuga mai ia Manase na faitauina faatasi ma ituaiga o Isaraelu (Numera 1:34–35; Iosua 13:29–31). O le faamanuiaga a Mose i le ituaiga o Iosefa, lea sa tuuina atu foi ia Efaraima ma Manase, ua tusia i le Teuteronome 33:13–17. O le laueleele o lo latou tofi sa i le itu i sisifo o le Ioritana ma e sosoo ma le tofi o Efaraima. Sa i ai foi ō latou kolone i le itu i sasae o le Ioritana i laufanua lafulemu o Vasana ma Kiliata. I aso e gata ai, o le a fesoasoani le ituaiga o Manase i le ituaiga o Efaraima i le faapotopotoina o Isaraelu ua faataapeapeina (Teu. 33:13–17). O le perofeta o le Tusi a Mamona o Liae o se e tupuga mai ia Manase (Alema 10:3).