Levi

Na faamanuiaina e Iakopo o Levi ma ona suli (Kene. 49:5–7). Sa auauna atu suli o Levi i malumalu o Isaraelu (Numera 1:47–54). O Arona o se sa Levī, ma ona suli na avea ma faitaulaga (Esoto 6:16–20; 28:1–4; 29). O le au sa Levī, sa fesoasoani atu i faitaulaga, o atalii ia o Arona (Numera 3:5–10; 1 Tu. 8:4). O nisi foi taimi sa avea i latou o ni tagata ta musika (1 No. 15:16; Nee. 11:22); e fasia manu o taulaga (2 No. 29:34; Esera 6:20); ma e fesoasoani faapitoa lava i le malumalu (Nee. 11:16). Na tofia sa Levī i le galuega a le Alii i le faia o sauniga mo le fanauga a Isaraelu. O tagata sa Levī na ofoina atu i latou lava mo le fanauga a Isaraelu (Numera 8:11–22); sa faapea ona avea ai i latou o ni meatotino faapitoa a le Atua, ua tuuina atu ia te ia e suitulaga i ulumatua (Numera 8:16). Sa lei faapaiaina i latou ae na faamamāina mo lo latou tofi (Numera 8:7–16). Sa leai so latou tofi o le laueleele i Kanana (Numera 18:23–24), ae sa maua e i latou le sefuluai (Numera 18:21), faseful—valu aai (Numera 35:6), ma le aiā tatau e maua ai meaalofa mai le nuu i taimi o taumafataga (Teu. 12:18–19; 14:27–29).