Sauniga

O sauniga ma faaeega paia. O sauniga e aofia ai galuega e i ai ni uiga faleagaga. O sauniga foi e mafai ona faatatau i tulafono ma poloaiga a le Atua.

O sauniga i le Ekalesia e aofia ai le faamalologa o e mamaʼi (Iako. [FF] 5:14–15), faamanuiaina o le faamanatuga (MF&F 20:77, 79), papatisoga i le faatofuina (Mata. 3:16; MF&F 20:72–74), faamanuiaina o tamaiti (MF&F 20:70), tuuina atu o le Agaga Paia (MF&F 20:68; 33:15), tuuina atu o le perisitua (MF&F 84:6–16; 107:41–52), sauniga o le malumalu (MF&F 124:39), ma le faaipoipoga i le feagaiga fou ma le tumau-faavavau (MF&F 132:19–20).

Sauniga Sui

O se sauniga faalelotu e faia e se tagata ola e fai ma sui o sē ua maliu. O nei sauniga o le a aoga pe afai e talia e tagata ua maliliu ia sauniga na faia mo i latou, ma tausia feagaiga e ō faatasi ma ia sauniga, ma faamauina ai i le Agaga Paia o le Folafolaga. O sauniga faapena ua faia i totonu o malumalu i ona po nei.