Galuega a le Au Aposetolo

O lenei tusi o lona lua lea o vaega o le tusi na tusi atu ai Luka ia Teofilo. O le vaega muamua ua taʼua o le Evagelia e Tusa ia Luka. O le mataupu 1–12 o loo tusia ai ni isi o gaoioiga faapitoa o le talaiga a Aposetolo e Toasefululua i lalo o le taitaiga a Peteru ina ua mavae le maliu ma le toetu mai o le Faaola. O le mataupu 13–28 ua faamatala mai ai ni isi o malaga ma galuega tau le talaiga a le Aposetolo o Paulo.