E lua ituaiga o tagata o loo i ai i le lagi o e ua taʼua o agelu: o i latou o agaga ma i latou o e ua fai ni tino o ʼaʼano ma ivi. O agelu agaga, o i latou ia e lei mauaina se tino o ʼaʼano ma ivi, po o agaga foi o i latou o e ua uma ona maua tino faaletino ma ua faatalitali i le toetutu mai. O agelu o e ua fai tino o ʼaʼano ma ivi ua toetutu mai le oti po o ua liua.
O loo i ai le tele o mau i tusitusiga paia e uiga i galuega a agelu. O ni isi taimi e tautatala agelu i se leo o le faititili aʼo latou tuuina mai savali a le Atua (Mosaea 27:11–16). O tagata amiotonu ma le faaletino e mafai foi ona taʼua o agelu (FIS, Kene. 19:15). O ni isi agelu o loo auauna atu i latou i tafatafa o le nofoalii o le Atua i le lagi (Alema 36:22).
O loo tautala foi tusitusiga paia i agelu a le tiapolo. O i latou nei o agaga o e na mulimuli ia Lusifelo ma sa tutuliesea mai luma o le Atua i le muaʼi olaga ma ua tulia i lalo i le lalolagi (Faaa. 12:1–9; 2 Ni. 9:9, 16; MF&F 29:36–37).