Kolose, Tusi i Tagata

O se tusi i le Feagaiga Fou. O se tusi lea sa tusia e Paulo i tagata o Kolose ina ua uma ona asiasi mai Epafara ia te ia, le evagelia o le Ekalesia i Kolose (Kolo. 1:7–8). Na taʼu atu e Epafara ia Paulo le paʼū atu o tagata Kolose i le sese matuiā—na latou manatu ua sili atu i latou i lo isi tagata auā sa latou tausia ma le faaeteete ni isi o sauniga faaletino (Kolo. 2:16), ua faafitia ai ia te i latou lava ni isi o manaoga faaletino, ma ua tapuai atu i agelu (Kolo. 2:18). O nei tu ma amioga na manatu ai tagata Kolose ua faapaiaina ai i latou. Sa latou manatu ai foi ua sili atu lo latou malamalama i mea lilo o le iunevesi nai lo isi tagata o le Ekalesia. I lana tusi, na faasaʼoina ai i latou e Paulo i le aoao atu e faapea e nao Keriso lava e oo mai ai le togiola ma e tatau ia i tatou ona popoto ma auauna atu ia te ia.

O le mataupu 1, o alofaaga o Paulo i tagata o Kolose. O le mataupu 2–3 o loo i ai aoaoga ma faamatalaga e uiga ia Keriso i le avea ma Togiola, le matautia o tapuaiga sese, ma le taua o le toetutu. O le mataupu 4 ua aoao mai ai e tatau ona popoto le Au Paia i mea uma.