O le ala lea na avea ai tagata ma tagata faaletino i luga o lenei lalolagi. Ina ua ai e Atamu ma Eva le fua o le laau na faasaina, na avea ai i laua ma tagata faaletino, o lona uiga, ua mafai ona oo i ai le agasala ma le oti. Na avea ai Atamu ma “uluai mea tino aano” i le lalolagi (Mose 3:7). Ua faamanino mai i faaaliga i aso e gata ai o le Paʼū o se faamanuiaga, ma ua tatau ai ona faamamaluina Atamu ma Eva i le avea o uluai matua o tagata uma.
O le Paʼū o se laasaga tatau lea i le alualu i luma o le tagata. Ona sa silafia e le Atua o le a oo mai le Paʼū, sa ia fuafuaina ai i le muaiolaga se Faaola. Na afio mai Iesu Keriso i le meritiana o taimi e togiolaina ai mo le paʼū o Atamu atoa foi ma agasala a tagata taitoatasi e tusa ma le salamō o le tagata.