Tagata Samaria

O tagata i ona po o le Tusi Paia sa nonofo i Samaria ina ua aveina faatagataotaua e tagata Asuria le malo i matu o Isaraelu. O tagata Samaria o se vaega o tagata Isaraelu ma se vaega o tagata o Nuuese. O la latou tapuaiga o le tuufaatasiga lea o talitonuga Faa-Iutaia ma talitonuga faapaupau. O le faataoto i le Samaria agalelei i le Luka 10:25–37 o loo faailoa mai ai le ita na faatupuina e tagata Iutaia e tetee i tagata Samaria ona ua liliuese tagata Samaria mai le lotu a Isaraelu. Sa faatonuina e le Alii le Au Aposetolo e aoao atu le talalelei i tagata Samaria (Galu. 1:6–8). Na manuia le galuega a Filipo i le talaiina atu o le talalelei a Keriso i tagata Samaria ma sa ia faia ai vavega e tele ia te i latou (Galu. 8:5–39).