Folafolaga Aloaia—1

Ua lomia i itulau mulimuli o le Mataupu Faavae ma Feagaiga, le vaega muamua o le Folafolaga Aloaia—1 ua lauiloa foi o le Manifeso. Sa tuuina mai lea faasilasilaga e Peresitene Wilford Woodruff ma sa tuuina atu ai i tagata o le Ekalesia i le konafesi aoao i le aso 6 Oketopa 1890. Na amata mai i le 1862, ona tuuina mai ai tulafono eseese i le 25 tausaga sosoo ai na avea ai le faaipoipo i avā e tele o se mea e le tusa ma le tulafono i le Iunaite Setete. Sa faaali atu e le Alii ia Wilford Woodruff i se faaaliga vaaia le mea o le a oo i ai le Au Paia pe afai e lē tuua le tu o le faaipoipo i avā e tele. Sa tuuina atu loa le Manifeso e faapea ua lē toe faia ni faaipoipoga i ni avā e toatele.