Iakopo, le Uso o le Alii

O se tusi i le Feagaiga Fou. O le tusi lenei sa tusi atu i ituaiga e sefululua o Isaraelu na faataapeapeina i mea mamao ma ai lava sa tusia lenei tusi mai Ierusalema. O loo i ai i lenei tusi nisi o faamatalaga manino e uiga i le tapuaiga moni, e aofia ai le fautuaga taua i le mataupu 1 e faapea afai e leai se poto i se tasi, e tatau ona ole atu o ia i le Atua e maua ai le fesoasoani (Iako. [FF] 1:5–6; IS—T 1:9–20). O le mataupu 2 e faatatau i le faatuatua ma galuega. O le mataupu 3–4 e uiga i le manaomia o le pulea o le laulaufaiva ma le lapataiga i le Au Paia e aua le tautala leaga le tasi i le tasi. O le mataupu 5 ua fautuaina ai le Au Paia ina ia onosai ma valaau atu i toeaina o le Ekalesia e maua ai se faamanuiaga pe a mamaʼi; o loo aoao mai ai foi e uiga i faamanuiaga o le fesoasoani atu e faaliliu mai isi.