Mosaea, Atalii o

I le Tusi a Mamona, o atalii e toafa o le Tupu o Mosaea o e na liliu ina ua uma ona faaali atu le agelu ia te i latou ma valaauina i latou ia salamo. O ō latou igoa o Amona, Arona, Ominea, ma Himinae (Mosaea 27:34). E sefulufa tausaga faamanuiaina na latou faaaluina i le talaiina atu o le talalelei i sa Lamanā. O se talafaamaumau o la latou galuega i sa Lamanā o loo tuuina mai i le tusi a Alema, mataupu 17 e oo i le 26.