I tusitusiga paia o loo tautala i agaga i ala e tolu: (1) o tino agaga, i le muai olaga atoa ma le taimi pe a mavae o le olaga faaletino (Alema 40:11–14; Ape. 3:23); (2) o se agaga ma se tino ua tuufaatasia i le olaga faaletino (Ape. 5:7); ma lona (3) o se tagata ola pea ma le toetu, o lona tino ma lona agaga e le mafai ona toe tuueseeseina (Alema 40:23; MF&F 88:15–16).
O le taua o agaga
O tagata uma lava o fanau agaga a le Atua. E alofa o ia i ana fanau uma lava taitoatasi ma manatu e taua i latou uma taitoatasi. Ona o i latou o ana fanau, o ia i latou le malosi e mafai ai ona avea e pei o ia. O le mea lea, e taua tele i latou.