Korinito, Tusi i Tagata
O tusi e lua i le Feagaiga Fou. O tusi ia sa tusia e Paulo i le Au Paia i Korinito e faasaʼo ai tulaga faaletonu ua oo ia te i latou. Sa nonofo tagata Korinito i se nuu e amioleaga i la le feusuai.
Korinito Muamua
O le mataupu 1 o loo i ai alofaaga ma se savali o le faafetai a Paulo. O le mataupu 2–6 o i ai faasaʼoga a Paulo e uiga i sese o le Au Paia i Korinito. O le mataupu 7–12 o loo i ai tali a Paulo i ni isi o fesili. O le mataupu 13–15 o loo fatatau i le alofamoni, meaalofa faaleagaga, ma le toetutu mai. O le mataupu 16 o loo i ai le fautuaga a Paulo ia tu atu ma le malosi i le faatuatua.
Korinito e Lua
O le mataupu 1 o loo i ai alofaaga ma se savali o le faafetai a Paulo. O le mataupu 2 o loo i ai le fautuaga patino a Paulo mo Tito. O le mataupu 3–7 o loo faatatau i le mana o le talalelei i olaga o le Au Paia ma o latou taitai. O le mataupu 8–9 o loo fautuaina ai le Au Paia ia foai atu ma le fiafia i e matitiva. O le mataupu 10–12 o se faamaoniga lea i le tulaga o Paulo i le avea o se Aposetolo. O le mataupu 13 o se apoapoaiga lea ia atoatoa.