Faasologa o Autu e Tusa ma le Faitau pi
O le Ala e Faaaoga Ai. O Le Taiala i Tusitusiga Paia o le faasologa e tusa ma le faitau pi o autū faatalalelei. E tuuina atu ai se faamatalaga puupuu o autu taitasi ma tuuina atu ai mau sili ona taua mai tusitusiga paia e uiga i lena autu. E muamua i mau taitasi o se upusii puupuu po o le tala otooto o le mau. E faapenei le faasologa o mau mai tusitusiga paia: Feagaiga Tuai, Feagaiga Fou, Tusi a Mamona, Mataupu Faavae ma Feagaiga, ma le Penina Tau Tele. O le ata o loo i lalo e faamalamalama ai se faataitaiga o se faamatalaga:
Lalolagi
O le paneta o loo tatou nonofo ai, na faia e le Atua e ala ia Iesu Keriso ina ia faaaoga e tagata i le taimi o lona olaga faaletino. O se nofoaga foi e tofotofoina ai tagata faaletino. I se uiga faatusa, o tagata ia o e lē usiusitai i poloaiga a le Atua. O lona taunuuga mulimuli o le avea ma nofoaga faamamaluina ma faaeaina (MF&F 77:1–2; 130:8–9). O le a avea le lalolagi ma tofi e faavavau mo i latou o e na ola agavaa e maua se mamalu selesitila (MF&F 88:14–26). O le a latou fiafia i luma o le Tamā ma le Alo (MF&F 76:62).
Na foafoaina mo le tagata
Laveai
Tusi ua Leiloa o Tusitusiga Paia
O autu ua tusia i mataitusi tetele, ōlaōla.
O loo i ai se faamatalaga puupuʼu o autū taitasi.
O nisi autu e i ai ulutala lagolago. O autu na o loo tusia i mataitusi faatusilima.
O isi mau e tutusa uiga o loo tusia i totonu o paranetise.
O nisi taimi o isi autu i le taiala o loo i ai ni faamatalaga e uiga i le autu o loo e suesue ai. O upu faatusilima tagai e faasino ai oe i nei autu e faatatau i ai.
O nisi taimi e le aofia i isi autu faamatalaga e faatatau i le autu oloo e suesue ai. O upu faatusilima ia, tagai foi e taitaiina oe i na faamatalaga uiga tutusa.
O mau mai tusitusiga paia e fesoasoani ia te oe e malamalama ai i faamatalaga o i totonu o paranetise.
E muamua i mau taitasi mai tusitusiga paia se upusii puupuu mai tusitusiga paia po o se tala otooto o le mau.
O faaupuga faatusilima o le tagai (po o le tagai foi) e mulimuli mai i le laina lenei (—) e taʼu atu ai ia te oe o lena faamatalaga o loo maua i se ulutala lagolago (“Tusitusiga paia ua leiloa”) e uiga i le autu faapitoa (“Tusitusiga Paia”).