Liae, le Tamā o Nifae

I le Tusi a Mamona, o se perofeta Eperu o lē na taitaiina atu lona aiga ma e na mulimuli ia te ia mai Ierusalema i se laueleele folafolaina i le hemisifia i sisifo e tusa o le 600 T.L.M. O Liae o le perofeta muamua i lona nuu i le Tusi a Mamona.

Na tuua e Liae faatasi ma lona aiga Ierusalema i le poloaiga a le Alii (1 Ni. 2:1–4). O ia o se suli o Iosefa, o lē na faatauina atu i Aikupito (1 Ni. 5:14). Na tuuina atu e le Alii ia te ia se faaaliga vaaia o le laau o le ola (1 Ni. 8:2–35). Na fauina e Liae ma ona atalii se vaa ma folau atu ai i le hemisifia i sisifo (1 Ni. 17–18). O ia ma ona suli na faamautuina i se laueleele fou (1 Ni. 18:23–25). A o lei oti o ia, na faamanuiaina e Liae ona atalii ma aoaoina i latou e uiga ia Keriso ma le oo mai o le Tusi a Mamona i aso e gata ai (2 Ni. 1:1–4:12).