Feagaiga Fou ma le Tumau-Faavavau

O le atoatoaga lea o le talalelei a Iesu Keriso (MF&F 66:2). E fou lea feagaiga i taimi uma lava e faaali mai ai pe a mavae se taimi o le liliuese. E tumau-faavavau lea feagaiga i le itu lea o lenei feagaiga o le feagaiga a le Atua ma sa iai i tisipenisione taitasi o le talalelei ina ua iai tagata latou te fia taliaina. O le feagaiga fou ma le tumau-faavavau sa toe faaali mai i tagata i le lalolagi e Iesu Keriso e ala i le perofeta o Iosefa Samita. E i ai i lea feagaiga sauniga paia e faia i le pule a le perisitua—e pei o le papatisoga ma le faaipoipoga i le malumalu—lea e maua ai e tagata le faaolataga, tino ola pea, ma le ola e faavavau. Pe a talia e tagata le talalelei ma folafola mai e tausia poloaiga a le Atua, e osifeagaiga le Atua e tuu atu ia te i latou faamanuiaga o lana feagaiga fou ma le tumau-faavavau.