O se feagaiga faaletulafono po o se osigāfeagaiga i le va o se alii ma se tamaitai ua avea ai i laʼua o le tane ma le avā. Na faalelotu e le Atua le faaipoipoga (MF&F 49:15).
Feagaiga fou ma le tumau-faavavau o le faaipoipoga
O le faaipoipoga ua faia i lalo o le tulafono o le talalelei ma le perisitua paia e tumau i le olaga faaletino ma le ola faavavau. O alii ma tamaitai agavaa ua faapea ona faamauina i le malumalu i le faaipoipoga e mafai ona faaāuāu pea o se tane ma le avā i le faavavau.
Faaipoipoga e eseese faatuatuaga
O le faaipoipoga lea i le va o se tane ma se fafine e eseese a laʼua talitonuga ma faiga faalelotu.
Faaipoipo i avā e tele
O le faaipoipo lea o se tane i avā e lua pe sili atu o loo ola. Ua faatagaina e le tulafono se tane le faia naʼo le avā e toatasi, vaganā se isi tulaga ua faatonuina ai e le Alii e ala i faaaliga (Iako. [TM] 2:27–30). E ala i faaaliga sa fai ai faaipoipoga i avā e tele i taimi o le Feagaiga Tuai ma aso i le amataga o le toefuataiina o le Ekalesia e ala i le taitaiga a le perofeta o lē na umia ki o le perisitua (MF&F 132:34–40, 45). Ua lē toe faia nei i le Ekalesia (MF&F FA—1); i aso nei, o le faia o avā e sili atu i le toatasi o le fouvale lea i le avea ma se tasi o Le Ekalesia a Iesu Keriso o le Au Paia o Aso e Gata Ai.