Levitiko

O se tusi i le Feagaiga Tuai o loo faamatala mai ai tiute faafaitaulaga i Isaraelu. Ua faamamafa mai i lea tusi le paia o le Atua ma le ala e mafai ai e lona nuu ona ola ai e avea ma nuu paia. O le faamoemoega o lea tusi o le aoao atu lea o mataupu mamā ma upumoni faalelotu o le tulafono a Mose e ala i sauniga. O Mose na tusia le tusi o Levitiko.

O le mataupu 1–7 o loo faamalamalama ai sauniga o taulaga. O le mataupu 8–10 o loo faamatala mai ai le tausia o le sauniga o le faapaiaga o faitaulaga. Le mataupu 11 o loo faamatala mai ai mea e tatau ona aai ai ma mea e lē tatau ona aai ai ma le mea e mamā po o le mea e lē mamā. O le mataupu 12 o loo talanoaina ai fafine pe a uma ona fanauina se tamaitiiti. O le mataupu 13–15 o tulafono e faatatau i le lē mamā faalesauniga. O le mataupu 16 o loo i ai se sauniga e tatau ona tausia i le Aso o le Togiola. O le mataupu 17–26 o loo i ai se taiala o tulafono e faatatau i le tausia o tu faalelotu ma tu tau i le va fealoai. O le mataupu 27 o loo faamalamalama mai ai na poloaiina Isaraelu e le Alii ia faapaiaina a latou faatoaga, lafu, ma fagaga i le Alii.