Aoga a Perofeta

I Katelani, Ohaio (Iunaite Setete o Amerika), i le tau malulu o le 1832–1833, na poloaiina ai Iosefa Samita e le Alii e faatuina se aʼoga mo le faamoemoe e aʼoaʼoina ai le ʼau uso i mea uma lava tau i le talalelei ma le malo o le Atua. Mai lenei aʼoga na maua mai ai le tele o taitai i le amataga o le Ekalesia. O le isi aʼoga a perofeta po o toeaina sa taitaia e Parley P. Pratt i le Itumalo o Siakisone, Misuri (MF&F 97:1–6). Sa i ai foi ni aʼoga faapena na faia ina ua malaga atu le Au Paia i Sisifo; ae ui i lea, e lei umi ae taofia ia aʼoga. O le aʼoaʼoga o le talalelei i ona po nei ua faia i le aiga, korama a le perisitua, ma ausilali eseese ua faatulagaina, ma e ala i aʼoga a le Ekalesia ma vasega i le seminare ma aoaoga faalelotu.