Faatusa

O le faaaogaina o se mea e fai ma faatusa po o se foliga o se isi mea. O faatusatusaga i tusitusiga paia e faaaogaina ai se mea e masani ai, se mea na tupu, po o se tulaga foi e fai ma sui o se mataupu autū po o se aoaoga o le talalelei. Mo se faataitaiga, i le Tusi a Mamona, na faaaoga ai e le perofeta o Alema se fatu e fai ma sui o le afioga a le Atua (Alema 32).

Na faaaoga e perofeta i tusitusiga paia faatusa e aoao atu ai e uiga ia Iesu Keriso. O ni isi o nei faatusa e aofia ai sauniga (Mose 6:63), taulaga (Epe. 9:11–15; Mose 5:7–8), o le faamanatuga, (Luka 22:13–20; FIS, Mare. 14:20–24), ma le papatisoga (Roma 6:1–6; MF&F 128:12–13). O le tele o igoa i le Tusi Paia o ni faatusa. O sauniga o le falefetafai o le Feagaiga Tuai ma le tulafono a Mose sa avea ma sui o upumoni o le faavavau (Epe. 8–10; Mosaea 13:29–32; Alema 25:15; Hela. 8:14–15). Mo isi faataitaiga, tagai i le Mataio 5:13–16; Ioane 3:14–15; Iako. (TM) 4:5; Alema 37:38–45.