Esekia

O se tupu amiotonu o le malo o Iuta i le Feagaiga Tuai. Na nofotupu o ia i tausaga e luasefulu-iva, i le taimi na avea ai Isaia ma perofeta i Iuta (2 Tu. 18–20; 2 No. 29–32; Isai. 36–39). Na fesoasoani Isaia ia te ia i le toe faatulagaina o le ekalesia ma le malo. Na ia faatoilaloina ifoga i tupua ma toe faatuina sauniga o le malumalu. Na toe faafualoaina le ola o Esekia i tausaga e sefululima e ala i le tatalo ma le faatuatua (2 Tu. 20:1–7). I le vaega muamua o lana nofoaiga na faamanuiaina, peitai o lona fouvale e tetee i le tupu o Asuria (2 Tu. 18:7) na oo mai ai osofaiga e lua a Asuria: o le osofaiga muamua o loo faamatala mai i le Isaia 10:24–32, o le osofaiga e lua i le 2 Tu. 18:13–19:7. I le osofaiga e lua, na laveaiina ai Ierusalema e se agelu a le Alii (2 Tu. 19:35).