O Satani. O le tiapolo o le fili o le amiotonu ma i latou o e saili e fai le finagalo o le Atua. O ia lava o se atalii faaleagaga o le Atua o se taimi foi sa avea ma agelu na i ai le pule i luma o le Atua (Isai. 14:12; 2 Ni. 2:17). Ae peitai, sa fouvale o ia i le muai olaga ma sa ia faatauanauina le tasi vaetolu o fanau agaga a le Tama ia fouvale faatasi ma ia (MF&F 29:36; Mose 4:1–4; Ape. 3:27–28). Sa tulieseina i latou mai le lagi, ua faafitia ai le avanoa e maua ai tino faaletino ma ola ai i le olaga faaletino, ma o le a malaia e faavavau. Talu mai i le taimi na tuliese ai le tiapolo mai le lagi, ua saili e le aunoa o ia e faasesē i aliʼi ma tamaitai ma taitaiese i latou mai le galuega a le Atua ina ia faamalaia ai le fanauga a tagata e pei o ia lava (Faaa. 12:9; 2 Ni. 2:27; 9:8–9).
O le ekalesia a le tiapolo
O faalapotopotoga faalelalolagi ma le leaga uma ua taumafai e faaleagaina le talalelei mama ma le atoatoa ma tau e tetee i le Tamai Mamoe a le Atua.