Faamasino, Tusi a

O se tusi i le Feagaiga Tuai. O le tusi a Faamasino e faatatau i le fanauga a Isaraelu e amata mai i le oti o Iosua e oo i le fanau mai o Samuelu.

O le mataupu 1–3 o se faatomuaga i le tusi atoa a Faamasino. Ua faamalamalama mai e faapea: talu ai sa le tuliesea e le fanauga a Isaraelu ō latou fili (Faama. 1:16–35), e ao ai ona mafatia le fanauga a Isaraelu i taunuuga: aveesea o le faatuatua, faaipoipo i e le talitonu, ma le ifo i tupua. O le mataupu 3–5 ua faamatala mai ai le mea na oo ia Tepora ma Paraka, o e na laveaiina Isaraelu mai sa Kananā. O le mataupu 6–8 o tala e faatupu ai le faatuatua e uiga ia Kitiona, o lē na faamanuiaina e le Alii e laveai Isaraelu mai sa Mitianā. O le mataupu 9–12, e tele alii eseese na auauna atu o ni faamasino i Isaraelu, o le tele lava i le liliuese ma i lalo o le faasauā. O le mataupu 13–16 o loo faamatala ai le tulai mai ma le paʼū o le faamasino mulimuli, o Samasoni. O mataupu mulimuli, 17–21, e mafai ona faamatalaina o se faaopoopoga ua faailoa mai ai le loloto o agasala a Isaraelu.