Fāifāi, Taufāifāi

O le tautala lē migao po o le lē faaaloalo e uiga i le Atua po o mea paia.

Na faatele ona molia Iesu e tagata Iutaia i le tautala i upuleaga, ona ua fai mai ua ia te ia le pule e faamagalo ai agasala (Mata. 9:2–3; Luka 5:20–21), auā na ia taʼua o ia lava o le Alo o le Atua (Ioane 10:22–36; 19:7), auā na ia fai mai o le a latou vaai ia te ia ua nofo i le itu taumatau o le mana ma sau foi i ao o le lagi (Mata. 26:64–65). Semanū e moni nei moliaga uma pe ana fai e leʼi i ai moni o ia i le mea na ia fai mai na i ai o ia. O le moliaga na aumaia e le ʼau molimau pepelo e tetee ia te ia i le faamasinoga na faia i luma o le Saneterini (Mata. 26:59–61), o le upuvale i le malumalu o le Atua. O le upuvale i le Agaga Paia, o le faafitia lea o Keriso ma le loto i ai, ina ua uma ona maua se malamalama atoatoa e uiga ia te ia, o se agasala e lē mafai ona faamagaloina (Mata. 12:31–32; Mare. 3:28–29; MF&F 132:27).