Asa

I le Feagaiga Tuai, o le tupu lona tolu o Iuta. Na tusia i tusitusiga paia o lona “loto na atoatoa i le Alii i ona aso uma” (1 Tu. 15:14). I le taimi o lana nofoaiga na ia faatuina ai le autau i se tulaga malosi lava, na ia lafoai ese le amo a Aitiope, aveese tupua pepelo, ma valaauina le nuu ia faia se feagaiga e saili atu ia Ieova (1 Tu. 15–16; 2 No. 14–16). Ae ui i lea, ina ua maʼi o ia i ona vae, sa lei saili atu o ia i le fesoasoani a le Alii ma sa oti ai (1 Tu. 15:23–24; 2 No. 16:12–13).