Satauro

O le mea na fausia i laau lea na faasatauro ai Iesu Keriso (Mare. 15:20–26). E toatele tagata i le lalolagi ua manatu nei i le satauro o se faatusa o le faasatauroga ma le taulaga togiola; ae peitai, na faatuina e le Alii ana lava faatusa o lona faasatauroga ma lana taulaga—o le areto ma le vai o le faamanatuga (Mata. 26:26–28; MF&F 20:40, 75–79). I tusitusiga paia, o e e aveina o latou satauro o i latou ia o e ua faapea ona alolofa tele ia Iesu Keriso ua latou faafitia ia i latou lava uiga leaga uma ma tuinanau faalelalolagi ae tausia ana poloaiga (FIS, Mata. 16:25–26).