Mosaea, le Atalii o Peniamina

O se tusi i le Tusi a Mamona. O le mataupu 1–6 o loo i ai se lauga malosi a le Tupu o Peniamina i lona nuu. Na pai atu le Agaga o le Alii i o latou loto ma sa faaliliuina ai le nuu ma sa lē toe lagona le manao e faia le leaga. O le mataupu 7–8 o loo faamatala mai ai se vaega o sa Nifaē sa o atu ma nonofo faatasi ma sa Lamanā. Sa auina atu se vaega o tagata e saili ia te i latou. O Amona, le taitai o le vaega na o atu e saili, na maua i latou ma sa iloa ai le tala e uiga i o latou puapuaga i lalo o sauaga a sa Lamanā. O le mataupu 9–24 o loo faamatala mai ai lena sauaga ma le ala na ola ai o latou taitai—o Senifa, Noa, ma Limae—i lalo o le pulega a sa Lamanā. O loo tusia ai foi le maliu fasia o se perofeta na igoa ia Apinati. Na talitonu Alema e ala i le faamasinoga o Apinati. O le mataupu 25–28 o loo faamatala mai ai tala i le ala na liliu ai le atalii o Alema ma atalii e toafa o le Tupu o Mosaea. I le mataupu 29 na fautua mai ai e le Tupu o Mosaea se ala fou e suitulaga ai faamasino i tupu. O Alema le atalii o Alema na filifilia e avea ma uluai faamasino sili.