Aso Sapati

O se aso paia ua tuuina faapitoa mai i vaiaso taitasi e malolo ai ma tapuai ai. Ina ua uma ona foafoaina e le Atua mea uma, ona malolo ai lea o ia i le aso fitu ma sa ia poloaiina le aso e tasi i vaiaso taitasi e avea o se aso e malolo ai e fesoasoani i tagata ina ia manatua ai o ia (Esoto 20:8–11).

Aʼo lei toetu mai Keriso, sa tausia e tagata o le Ekalesia le aso mulimuli o le vaiaso e avea o le Sapati, e pei ona sa faia e tagata Iutaia. Ina ua mavae le toetu, sa tausia loa e tagata o le Ekalesia, le aso muamua o le vaiaso (le aso o le Alii), e tusa lava pe ni tagata Iutaia po o ni tagata o Nuuese, e faamanatu ai le toetu mai o le Alii. O loo faaauau pea ona tausia e le Ekalesia i ona po nei le aso e tasi i vaiaso taitasi e avea o le aso sapati paia lea e tapuai atu ai i le Atua ma malolo ai mai galuega faalelalolagi.

O le sapati e faamanatu mai ai i tagata lo latou manaomia o le faamalosiaga faaleagaga ma lo latou tiute o le usiusitai i le Atua. Pe a lē amanaia e se atunuu le tausiga o le Sapati, o le a aafia ai ona tulaga uma lava o le olaga ma o lona olaga faalelotu o le a faaleagaina (Nee. 13:15–18; Iere. 17:21–27).