Perisitua Arona

O le perisitua maualalo (Epe. 7:11–12; MF&F 107:13–14). O ona tofiga e aofia ai le epikopo, ositaulaga, aoao, ma le tiakono (MF&F 84:30; 107:10, 14–15, 87–88). I aso anamua, i lalo o le tulafono a Mose, sa i ai faitaulaga sili, faitaulaga, ma sa Levī. O le Perisitua Arona na faaali ia Mose ona o le fouvale o Isaraelu anamua e tetee i le Atua. Sa mumusu i latou e faapaiaina ma maua le Perisitua Mekisateko ma ona sauniga (MF&F 84:23–25). O le Perisitua Arona e feagai ma le faia o sauniga faaletino o le tulafono ma le talalelei (1 No. 23:27–32; MF&F 84:26–27; 107:20). E umia ki o asiasiga a agelu, o le talalelei o le salamo, ma le papatisoga (MF&F 13). O le Perisitua Arona na toefuatai mai i le lalolagi i le tisipenesione lenei i le aso 15 o Me, 1829. Na faaee atu e Ioane le Papatiso lena perisitua ia Iosefa Samita ma Oliva Kaotui i luga o auvai o le Vaitafe o Susikuana, e latalata i Haramoni, Penisilevania (MF&F 13; IS—T 1:68–73).