Paala

O se atua tamaloa o le la na tapuai faapitoa i ai tagata i Foinie (1 Tu. 16:31) ae peitai e eseese foi ala na tapuai ai tagata i nofoaga eseese: o sa Moapī i le igoa o Paalapeoro (Numera 25:1–3), i Sekema i le igoa o Paala-perita (Faama. 8:33; 9:4), i Ekerona i le igoa o Pelesepulo (2 Tu. 1:2). O le igoa Paala atonu e tutusa lava ma le igoa o Pele i Papelonia ma Susi o Eleni. O le upu Paala e faaali atu ai le sootaga i le va o se tamālii ma lana pologa. Sa avea le povi poa ma faailoga masani o Paala. O Asaira o le atua fafine lea faatasi ma Paala sa masani ona tapuai i ai tagata.

O Paala, i nisi taimi sa tuufaatasi ma se isi igoa po o se upu e faailoa atu ai se sootaga ma Paala, e pei o se nofoaga sa tapuai ai tagata ia te ia po o se tagata e i ai ni uiga e pei o uiga o Paala. I se taimi mulimuli ane, ona ua avea le upu Paala o se uiga sili ona leaga, sa faaaoga ai le upu Poseta e sui ai Paala i na igoa na tuufaatasi. O Poseta o lona uiga o le “māasiasi.”