Eteru

O se tusi i le Tusi a Mamona o loo i ai se vaega o le talafaamaumau a sa Iaretō. O sa Iaretō o se vaega o tagata o e sa nonofo i le hemisifia i sisifo i le tele o senituri ao lei o atu le nuu o Liae. O le tusi a Eteru na aumaia mai papatusi e luasefulufa na maua e le nuu o Limae (Mosaea 8:8–9).

O le mataupu 1–2 o loo faamatala ai le ala na tuua ai e sa Iaretō le mea sa latou nonofo ai i le taimi o le Olo o Papelu ma sa amata ai la latou malaga i le mea ua taʼua nei o le konetineta o Amerika. O le mataupu 3–6 o loo faamatala ai na vaai le uso o Iareto i le Faaola ao lei fai tino faaletino le Faaola ma sa malaga foi sa Iaretō i vaa e valu. O le mataupu 7–11 o loo faaauau ai le talafaasolopito o le amioleaga na pulea le tele o le talafaasolopito o sa Iaretō. O Moronae, o lē na teuteuina le talafaamaumau a Eteru, na tusia i le mataupu 12–13 mea ofoofogia na faia e ala i le faatuatua ma mea e uiga ia Keriso ma le Ierusalema Fou o le a oo mai. O le mataupu 14–15 o loo faamatala ai le ala na avea ai sa Iaretō ma atunuu malosi ae peitai na faaumatia e ala i taua faaleatunuu ona o le amioleaga.