Feagaiga a Aperaamo

Na maua e Aperaamo le talalelei ma sa faauuina i le perisitua maualuga (MF&F 84:14; Ape. 2:11), ma sa ia ulu atu i le faaipoipoga faaselesitila, o lona uiga o le feagaiga o le faaeaga (MF&F 131:1–4; 132:19, 29). Na maua e Aperaamo se folafolaga e faapea, o faamanuiaga uma lava o nei feagaiga e ofoina atu i ana fanau faaletino i lenei olaga (MF&F 132:29–31; Ape. 2:6–11). O le tuufaatasiga o nei feagaiga ma folafolaga ua taʼua o le feagaiga a Aperaamo. O le toefuataiina mai o lenei feagaiga o le toefuataiina mai o le talalelei i aso e gata ai, auā e ala mai i lea feagaiga ua faamanuiaina ai malo uma o le lalolagi (Kala. 3:8–9, 29; MF&F 110:12; 124:58; Ape. 2:10–11).