Mamona, le Perofeta Sa Nifaē

O se tusi itiiti o loo i le Tusi a Mamona. O le va o upu mulimuli a Amaleki i le tusi a Ominae ma upu muamua i le tusi a Mosaea, o Mamona, o le faatonu lea o talafaamaumau uma, na faia ai le faamatalaga faaopoopo lenei. (Tagai i le “O Se Faamalamalamaga Puupuu e Uiga i le Tusi a Mamona” i le amataga o le Tusi a Mamona.)

O se tusi ese lava o loo i lea tusi o tusitusiga paia ua taʼua o le Tusi a Mamona. O le mataupu 1–2, ua faamatala mai ai e uiga ia Amorona, o se perofeta o sa Nifaē, na faatonuina Mamona i le taimi ma le mea e maua ai papatusi. Sa amata ai foi taua tetele, ma sa aveesea ai Sa Nifaē e Toatolu ona o le amioleaga a le nuu. O le mataupu 3–4 o loo faamatala mai ai le alagaina atu e Mamona o le salamo i le nuu: ae peitai sa latou lē lagona se mea, sa manumalo foi le amioleaga aupito sili i lo le amioleaga o aso ua mavae ia Isaraelu. O le mataupu 5–6 o loo faamaumauina ai taua mulimuli i le va o sa Nifaē ma sa Lamanā. Sa fasiotia Mamona faatasi ma le toatele o le atunuu o sa Nifaē. I le mataupu 7, a o lei oti o ia, sa valaau atu Mamona i le nuu—i lena taimi ma le lumanai—ina ia salamo. I le mataupu 8–9 ua faamaumauina ai i le faaiuga ua nao le atalii lava o Mamona, o Moronae, na totoe. Sa ia tusia vaaiga mulimuli o le oti ma le fasiotia, e aofia ai le iuga o le nuu o sa Nifaē, ma sa ia tusia foi se savali i tupulaga i le lumanai ma e o le a faitau i lenei talafaamaumau.