Amene

O lona uiga “talosia ia faapea ona faia” po o “ia faapea lava ona faia.” E fai atu Amene e faailoa atu ai le talisapaia faagaeetia pe faamaumautuina ma le loto malie (Teu. 27:14–26) po o le faamaoni (1 Tu. 1:36). O aso nei i le iʼuga o talosaga, molimau, ma lauga, o i latou o e na faalogo i tatalo po o sāvali e fai atu leotele ai le upu amene e faailoa atu ai le lotomalie ma le talisapaia.

I ona po o le Feagaiga Tuai, e fai atu e se tasi le upu amene pe a faia se tautoga (1 No. 16:7, 35–36; Nee. 5:13; 8:2–6). Ua taʼua Keriso “o le Amene, o le molimau moni ma le faamaoni” (Faaa. 3:14). Na faaaoga foi le Amene o se faatusa o se feagaiga i le Aoga a Perofeta (MF&F 88:133–135).