Esekielu
O se perofeta o lē na tusia le tusi a Esekielu i le Feagaiga Tuai. O ia o se faitaulaga o le aiga o Satoka ma o se tasi o tagata Iutaia na aveina faatagataotaua e Nepukanesa. Sa nofo o ia faatasi ma tagata Iutaia na faaaunuua i Papelonia ma sa vavalo ai i le vaitaimi o le luasefulu-lua tausaga, mai le 592 i le 570 T.L.M.
O le tusi a Esekielu
O le tusi a Esekielu e mafai ona vaevaeina i vaega e fa. O le mataupu 1–3 o loo faamatala ai se faaaliga vaaia a le Atua ma le valaauga o Esekielu e auauna atu; o le mataupu 4–24 o loo tautala e uiga i faamasinoga na oo i Ierusalema ma le pogai na tuuina atu ai ia faamasinoga; o le mataupu 25–32 o loo tautino atu ai faamasinoga e oo i atunuu o le lalolagi; o le mataupu 33–48 o loo faamaumau ai faaaliga e uiga ia Isaraelu i aso e gata ai.