Timoteo, Tusi iā

Na tusia e Paulo le tusi muamua ina ua mavae lona faapologaina muamua. Na tuua e ia Timoteo i Efeso, i le faamoemoe e toe foi atu i ai (1 Timo. 3:14). Ae ui i lea, sa lagona e Paulo atonu o le a faatuai lona toe foi atu, o lea na ia tusi atu ai ia Timoteo, atonu mai Maketonia (1 Timo. 1:3), e tuuina atu ai ia te ia le fautuaga ma le faamalosiauga i le faataunuuina o lona tiute.

O le mataupu 1 o loo i ai alofaaga ma faatonuga a Paulo e uiga i mafaufauga valea ia ua oo atu i totonu o le Ekalesia. O le mataupu 2–3 ua tuuina mai ai faatonuga e uiga i tapuaiga faitele ma uiga masani ma amioga a faifeau. O le mataupu 4–5 o loo i ai se faamatalaga e uiga i le liliuese i aso e gata ai ma se fautuaga ia Timoteo i le ala e auauna atu ai i e ua ia taitaia. O le mataupu 6 o se timaiga ina ia tumau i le faamaoni ma ia aloese i ʼoa faalelalolagi.

Sa tusia e Paulo le tusi lona lua i le taimi lona lua na iai o ia i le falepuipui, i se taimi puupuu a o lumanai lona faamaturoga. O loo i lea tusi upu mulimuli a le Aposetolo ma ua faaali mai ai le matagofie o le lototele ma le faatuatua na ia te ia i le feagai ai ma le oti.

O le mataupu 1 o loo i ai alofaaga o Paulo ma le poloaiga ia Timoteo. O le mataupu 2–3 o loo tuuina mai ai lapataiga eseese ma faatonuga, ma se luʼi e feagai ai ma faigata i le lumanai. O le mataupu 4 o se savali i uo a Paulo, o loo i ai se fautuaga i le ala e taulima ai o e ua liliuese.