Iona

O se tusi i le Feagaiga Tuai o loo faamatala ai se mea na tupu i le olaga o Iona. Ai lava sa lei tusia e Iona lenei tusi. O le manatu autū o le tusi a Iona e faapea o loo nofotupu Ieova i mea uma lava ma e le faapitoa foi lona alofa i se atunuu po o se nuu e tasi.

I le mataupu 1, na valaauina ai e le Alii Iona e talai atu i Nineva. Nai lo le faia o le mea na poloaiina ai e le Alii, na sola Iona i le vaa ma sa folo ai o ia e se iʼa tele. I le mataupu 2, na tatalo atu Iona i le Alii, ma sa luai atu ai e le ia Iona i le eleʼele mātūtū. O le mataupu 3, ua faamaumauina ai le alu atu a Iona i Nineva ma vavalo atu i le paʼū o Nineva. Ae ui i lea, sa salamo le nuu. I le mataupu 4, na aoaiina e le Alii Iona ona ua ita o ia ina ua faasaoina e le Alii le nuu.

Na aoao mai Iesu e faapea, o le foloina o Iona e le iʼa o se faatusa o le maliu ma le toetu mai o Iesu (Mata. 12:39–40; 16:4; Luka 11:29–30).