Feagaiga Fou

O se tuufaatasiga o tusitusiga musuia (mai le gagana Eleni) e uiga i le soifuaga ma le galuega a Iesu Keriso, le Au Aposetolo, ma isi soo o Iesu Keriso. O le Feagaiga Fou ua vaevaeina i Evagelia, Galuega a le Au Aposetolo, tusi a Paulo, o tusi lautele, ma le tusi o Faaaliga.

O Evagelia e fa—o le tusi a Mataio, Mareko, Luka, ma Ioane—o tala ia i le soifuaga o Keriso. O le tusi o Galuega o loo tusia ai le talafaasolopito o le Ekalesia ma le Au Aposetolo, aemaise lava o malaga faafaifeautalai a Paulo, ina ua mavae le maliu o Keriso. O tusi a Paulo e tuuina atu ai faatonuga i taitai ma tagata o le Ekalesia. O isi tusi na tusia e isi Aposetolo ia sa tuuina atu ai fautuaga faaopoopo i le Au Paia i ona po na. O le tusi o Faaaliga, lea na tusia e le Aposetolo o Ioane, o loo i ai valoaga e uiga i aso e gata ai.