Iosefa, le Tane a Maria

O le tane a Maria, le tinā o Iesu. O Iosefa o se suli o Tavita (Mata. 1:1–16; Luka 3:23–38) ma sa ola i Nasareta. Sa faufautane Maria ia te ia. A o lei faaipoipo i laua, sa maua e Maria se asiasiga mai le agelu o Kaperielu, na ia taʼu atu ai ua filifilia Maria e avea ma tinā o le Faaola (Luka 1:26–35). Sa maua foi e Iosefa se faaaliga e uiga i lenei fanau mai faaleatua (Mata. 1:20–25).

E naʼo Maria lava le matua faalelalolagi o Iesu, auā o le Atua le Tamā o le tamā o Iesu. Ae peitai sa manatu Iutaia o Iosefa o le tamā o Iesu, ma sa faapenā ona faaali atu i ai e Iesu le faaaloalo (Luka 2:48, 51). Na lapataia i ni miti faalelagi, na faasaoina ai e Iosefa le ola o le pepe o Iesu i le sosola atu i Aikupito (Mata. 2:13–14). Ina ua maliu Herota, sa faatonuina Iosefa e le agelu e toe avatu le tamaitiiti o Keriso i Isaraelu (Mata. 2:19–23).