Manai

O se meaʼai manifinifi e manogi e pei o se falaoa ua palu ma le meli (Esoto 16:14–31) pe manogi foi e pei o se suauu fou (Numera 11:8). Na saunia e le Alii le manai e fafaga ai le fanauga a Isaraelu a o i ai i le vao i le fasefulu tausaga (Esoto 16:4–5, 14–30, 35; Iosua 5:12; 1 Ni. 17:28).

Sa taʼua e le fanauga a Isaraelu lenei mea o le mānai (po o le man-hu i le Faa-Eperu)—o lona uiga, “O le a lenei mea?”—auā sa latou lē iloa po o le a lena mea (Esoto 16:15). Sa taʼua foi le manai o “meaʼai a agelu” ma le “areto mai le lagi” (Sala. 78:24–25; Ioane 6:31). O lenei mea o se faatusa o Keriso, o lē o le a avea ma Areto o le Ola (Ioane 6:31–35).