Iuta, le Atalii o Iakopo ma Lea

O le ituaiga o Iuta na avea le taitaiga ina ua mavae ona nonofo i Kanana. O le ituaiga sili na tauva ma le ituaiga o Iuta o le ituaiga o Efaraima. Sa faamanuiaina e Mose le ituaiga o Iuta (Teu. 33:7). Ina ua mavae le nofoaiga a Solomona, ona avea ai lea o le ituaiga o Iuta ma le malo o Iuta.

O le nofoaiga a Reopoamo na vaeluaina ai le pulega a Solomona i malo e lua, na pogai lea i le feʼainaʼi o le ituaiga o Efaraima ma Iuta. O le malo i saute, po o le malo o Iuta, na aofia ai le ituaiga o Iuta ma le vaega tele o le ituaiga o Peniamina. Sa avea Ierusalema ma ona laumua. O le malo lea sa sili atu ona tumau i le faamaoni i le tapuaiga ia Ieova nai lo le malo i mātū. Sa itiiti atu ona osofaia Iuta i osofaiga mai mātū ma sasae, ma sa tumau pea le pule sili i lima o le ʼaiga o Tavita seia oo atu i le faatagataotauaina i Papelonia. Sa mafai ona tumau pea le malo o Iuta i le 135 tausaga ina ua mavae ona faatoilaloina le malo sili ona lauiloa ma sili ona malosi o Isaraelu.

O lea igoa e faasino i le Tusi Paia o se talafaamaumau o le aiga o Iuta (Eseki. 37:15–19). I aso mulimuli, pe a faapotopotoina faatasi lālā eseese o le aiga o Isaraelu, o le a faapotopotoina faatasi foi ā latou talafaamaumau paia. O nei talafaamaumau o tusitusiga paia o le a lagolagoina e le tasi le tasi ma o le a aufaatasi i le tuuina atu o le molimau e faapea o Iesu o le Keriso, o le Atua o Isaraelu ma le Atua o le lalolagi atoa (FIS, Kene. 50:24–36; 2 Ni. 3; 29).