Ulumatua

I ona po o le au peteriaka anamua, o le atalii ulumatua na te maua le tofi o le ulumatua (Kene. 43:33) ma faapea ona maua ai e ia le taitaiga o le aiga pe a oti le tamā. E tatau ona agavaa le ulumatua e tauaveina lenei tiutetauave (1 No. 5:1–2) ma e mafai ona lē maua e ia lona tofi o le ulumatua ona o le amioletonu.

I lalo o le tulafono a Mose, o le atalii ulumatua sa manatu i ai o se tasi ua tuuina atu i le Atua. E sautualua le vaega o le ulumatua i le faasoaina o mea uma a lona tamā (Teu. 21:17). Pe ʼa maliu lona tamā, o ia e paʼū i ai le tausiga o lona tinā ma ona tuafafine.

O ulumatua poʼa foi o lafu manu e ā le Atua ia. O manu mamā sa faaaogaina e osi ai taulaga, a o manu e le mamā e mafai ona toe suia pe faatau atu pe faaumatia (Esoto 13:2, 11–13; 34:19–20; Levi. 27:11–13, 26–27).

O le ulumatua ua faatusaina ia Iesu Keriso ma lana misiona i le lalolagi, e faamanatu atu ai i tagata o le a afio mai le Mesia sili (Mose 5:4–8; 6:63).

O Iesu o le ulumatua o fanau agaga a lo tatou Tamā Faalelagi, o le Toatasi na Fanaua e le Tamā i la le tino, ma o lē na muamua ona tulai mai i le oti i le toetutū (Kolo. 1:13–18). O le Au Paia o e faamaoni e avea i latou ma tagata o le Ekalesia a le Ulumatua i le faavavau (MF&F 93:21–22).