ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

ចំណេះចំណានខាងគោលលទ្ធិ ៖ ការរំឭកអំពីការវាយតម្លៃទី ២ ៖ អាលម៉ា ៧:១១–១៣ រហូតដល់ មរ៉ូណៃ ១០:៤–៥

« ចំណេះចំណានខាងគោលលទ្ធិ ៖ ការរំឭកអំពីការវាយតម្លៃទី ២ ៖ អាលម៉ា ៧:១១–១៣ រហូតដល់ មរ៉ូណៃ ១០:៤–៥» ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ២០២៤ )

« ចំណេះចំណានខាងគោលលទ្ធិ ៖ ការរំឭកអំពីការវាយតម្លៃទី ២ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

ចំណេះចំណានខាងគោលលទ្ធិ ៖ ការរំឭកអំពីការវាយតម្លៃទី ២

អាលម៉ា ៧:១១–១៣ រហូតដល់ មរ៉ូណៃ ១០:៤–៥

ការរំឭកការវាយតម្លៃអំពីចំណេះចំណានខាងគោលលទ្ធិនេះត្រូវបានបង្កើតឡើងសម្រាប់ជាបទពិសោធន៍នៃការសិក្សាមួយដើម្បីជួយដល់សិស្សរំឭកវគ្គចំណេះចំណានខាងគោលលទ្ធិទាំង ១២ ចាប់ពីអាលម៉ារហូតដល់មរ៉ូណៃ ។ ការរំឭកឡើងវិញនេះនឹងអនុញ្ញាតឲ្យពួកគេបង្ហាញពីការយល់ដឹង និងការអនុវត្តសេចក្តីពិតនៅក្នុងវគ្គបទគម្ពីរទាំងនេះ ។ វាត្រូវបានបង្កើតឡើងដើម្បីជួយរៀបចំសិស្សសម្រាប់ការវាយតម្លៃនៅពេលខាងមុខនេះផងដែរ ( « ចំណេះចំណានខាងគោលលទ្ធិ ៖ ការវាយតម្លៃទី ២ » ) ។

បទពិសោធន៍រៀនសូត្រនេះនឹងផ្តល់អត្ថប្រយោជន៍ដល់សិស្សភាគច្រើន ប្រសិនបើពួកគេអាចធ្វើការជាក្រុមជាមួយគ្នានៅក្នុងអំឡុងពេលសិក្សា ។ ប្រសិនបើអ្នកជាគ្រូបង្រៀនតាមផ្ទះ ឬជាគ្រូបង្រៀនតាមអនឡាញ ត្រូវប្រាកដថា ធ្វើបែបនេះក្នុងអំឡុងពេលបង្រៀនប្រចាំសប្តាហ៍របស់អ្នក ។

សូមប្រើប្រាស់ការរំឭកនេះ និងចាប់ផ្តើមដំណើរការការវាយតម្លៃទៅលើចំណេះចំណានខាងគោលលទ្ធិបានគ្រប់ពេលវេលា បន្ទាប់ពីអ្នកបានបង្រៀនវគ្គបទគម្ពីរចំណេះចំណានខាងគោលលទ្ធិទាំងអស់ចប់សព្វគ្រប់ចាប់ពី អាលម៉ា ៧:១១–១៣ រហូតដល់ មរ៉ូណៃ ១០:៤–៥ ។ សូមទុកពេលគ្រប់គ្រាន់ចំពោះការរំឭក និងការវាយតម្លៃនេះសម្រាប់សិស្សដើម្បីសិក្សាវគ្គបទគម្ពីរ ដែលពួកគេមិនទាន់បានចេះច្បាស់ ។ វាប្រហែលជាត្រូវការបង្រៀនមេរៀនអំពីចំណេះចំណានខាងគោលលទ្ធិមួយចំនួនមុនពេលពួកគេចាប់ផ្តើមមេរៀនតាមលំដាប់ជាបន្តបន្ទាប់ ដូច្នេះការវាយតម្លៃអាចធ្វើបាននៅមុនពេលបញ្ចប់ឆ្នាំសិក្សា ។

សកម្មភាពរៀនសូត្រដែលអាចមាន

សូមគិតពិចារណាអំពីតម្រូវការរបស់សិស្ស ហើយជ្រើសរើសផ្នែកនៃការរំឭកនេះ ដែលនឹងជួយពួកគេក្នុងការរៀបចំបានល្អបំផុតសម្រាប់ « ចំណេះចំណានខាងគោលលទ្ធិ ៖ការវាយតម្លៃទី ២ » ។ ពេញមួយការរំឭកឡើងវិញនេះ សូមអញ្ជើញសិស្សឲ្យកត់ចំណាំវគ្គបទគម្ពីរទាំងឡាយ ដែលពួកគេមិនសូវស្គាល់ច្បាស់ហើយធ្វើផែនការដើម្បីសិក្សា និងរំឭកវគ្គបទគម្ពីរទាំងនេះ ដើម្បីរៀបចំសម្រាប់ការវាយតម្លៃ ។

លំហាត់នៅសកម្មភាពរំឭកឡើងវិញ ទី ១ និង ទី ២ គឺជាការណែនាំដើម្បីជួយសិស្សរំឭកសេចក្ដីយោង និងឃ្លាបទគម្ពីរគន្លឹះ ដែលពួកគេបានសិក្សានៅអំឡុងពាក់កណ្តាលវគ្គសិក្សានេះ ។ សកម្មភាពផ្សេងៗអាចនឹងត្រូវបានប្រើប្រាស់ដើម្បីសម្រេចបានតាមតម្រូវការរបស់សិស្ស ។ មានគំនិតបន្ថែមនៅក្នុងមេរៀនការរំឭកចំណេះចំណានខាងគោលលទ្ធិ ពីមុន ឬនៅលើកម្មវិធីឧបករណ៍ចល័តចំណេះចំណានខាងគោលលទ្ធិ ។

សកម្មភាពរំឭកឡើងវិញ ទី ១ ៖ ផ្គូផ្គងសេចក្តីយោងបទគម្ពីរ និង ឃ្លាបទគម្ពីរគន្លឹះ

សូមពិចារណាប្រើប្រាស់សំណួរខាងក្រោម ដើម្បីជួយសិស្សរំឭកឡើងវិញនូវសេចក្តីយោងបទគម្ពីរ និង ឃ្លាបទគម្ពីរគន្លឹះ ដែលពួកគេបានសិក្សានៅក្នុងអំឡុងពេលពាក់កណ្តាលវគ្គសិក្សានេះ ។

ចម្លើយសម្រាប់សំណួរ ៖ ១-គ, ២-ង, ៣-ក, ៤-ឈ, ៥-ច, ៦-ខ, ៧-ញ, ៨-ជ, ៩-ដ, ១០-ឋ, ១១-ឆ, ១២-ឃ

ជម្រើសមួយផ្សេងទៀតសម្រាប់ធ្វើលំហាត់ អ្នកអាចបោះពុម្ពសេចក្តីយោងបទគម្ពីរ និង ឃ្លាបទគម្ពីរគន្លឹះនីមួយៗទាំង ១២ចេញដាក់នៅលើក្រដាសដាច់ដោយឡែកពីគ្នា ។ សូមផ្តល់ក្រដាសមួយដល់សិស្សម្នាក់ៗ ហើយអញ្ជើញពួកគេឲ្យស្វែងរក និងឈរជាប់នឹងអ្នកដែលមានសេចក្តីយោង ឬឃ្លាបទគម្ពីរគន្លឹះត្រូវគ្នា ។ បន្ទាប់មក អ្នកអាចដាក់ក្រដាសបញ្ចូលគ្នា និងធ្វើសកម្មភាពនេះឡើងវិញពីរបីដងទៀត ។

ផ្គូផ្គងឃ្លាគន្លឹះខាងក្រោមនៅក្នុងជួរឈរខាងឆ្វេងទៅនឹងសេចក្តីយោងវគ្គបទគម្ពីរចំណេះចំណានខាងគោលលទ្ធិដែលត្រឹមត្រូវនៅជួរឈរខាងស្តាំ ។

ឃ្លាគន្លឹះ	សេចក្តីយោងបទគម្ពីរ
« កុំទៅតាមសេចក្តីសម្រើបនៃភ្នែករបស់ខ្លួនទៀតឡើយ » ។	អាលម៉ា ៧:១១–១៣
« គឺនៅលើសិលានៃព្រះដ៏ប្រោសលោះនៃយើង … ដែលកូនត្រូវសង់គ្រឹះរបស់កូន » ។	អាលម៉ា ៣៤:៩–១០
« ហើយទ្រង់នឹងយាងទៅដោយរងការឈឺចាប់ និង ទុក្ខវេទនា និង ការល្បួងគ្រប់បែបយ៉ាង » ។	អាលម៉ា ៣៩:៩
« ដ្បិតអ្នករាល់គ្នាពុំទទួលសាក្សីឡើយ លុះដល់ពេលក្រោយពីការសាកល្បងនៃសេចក្តីជំនឿរបស់អ្នកសិន » ។	អាលម៉ា ៤១:១០
« យើងបានធ្វើការនេះ ដោយបានស៊ូទ្រាំតាមព្រះហឫទ័យនៃព្រះវរបិតាចំពោះគ្រប់ការណ៍ទាំងអស់ ចាប់តាំងពីដើមដំបូងមក »។	ហេលេមិន ៥:១២
« នោះត្រូវតែមានដង្វាយធួនមួយកើតឡើង …ការបូជាមួយដ៏និរន្តរ៍ និងអស់កល្បជានិច្ច » ។	នីហ្វៃទី៣ ១១:១០–១១
« បើសិនជាមនុស្សលោកមករកយើង … យើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែចំពោះពួកគេវិញ » ។	នីហ្វៃទី៣ ១២:៤៨
« ចូរមករកយើង ហើយទទួលបុណ្យជ្រមុជទឹក … ប្រយោជន៍ឲ្យអ្នករាល់គ្នាអាចបានញែកចេញបរិសុទ្ធ ដោយការទទួលនូវព្រះវិញ្ញាណបរិសុទ្ធ » ។	នីហ្វៃទី៣ ២៧:២០
« សេចក្ដីសប្បុរសគឺជាសេចក្ដីស្រឡាញ់ដ៏សុទ្ធសាធនៃព្រះគ្រីស្ទ » ។	អេធើរ ១២:៦
« សូមសួរដោយចិត្តស្មោះសរ ដោយស្មោះអស់ពីចិត្ត ដោយមានសេចក្ដីជំនឿជឿដល់ព្រះគ្រីស្ទ ។ … ហើយដោយព្រះចេស្ដានៃព្រះវិញ្ញាណបរិសុទ្ធ នោះអ្នករាល់គ្នាអាចស្គាល់សេចក្ដីពិតនៃគ្រប់ការណ៍ទាំងអស់ » ។	អេធើរ ១២:២៧
« បានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ ទ្រង់ល្អឥតខ្ចោះដែរ » ។	មរ៉ូណៃ ៧:៤៥–៤៨
« សេចក្ដីទុច្ចរិតពុំដែលជាសុភមង្គលឡើយ » ។	មរ៉ូណៃ ១០:៤–៥

សកម្មភាពរំឭកឡើងវិញ ទី ២ ៖ ដឹងឃ្លាបទគម្ពីរគន្លឹះ

សកម្មភាពបំពេញចន្លោះខាងក្រោមអាចត្រូវបានប្រើប្រាស់ដើម្បីជួយសិស្សរំឭកអំពីឃ្លាបទគម្ពីរគន្លឹះ ។

ចម្លើយសម្រាប់សំណួរ ៖ ១. ស្មោះសរ អស់ពីចិត្ត ដឹង ២. ដង្វាយធួន ដ៏និរន្តរ៍ អស់កល្បជានិច្ច ៣. សិលា ព្រះដ៏ប្រោសលោះ គ្រឹះ ៤. សាក្សី ការសាកល្បង សេចក្ដីជំនឿ ៥. ព្រះហឫទ័យ ព្រះវរបិតា ដើមដំបូង

វិធីជួយសិស្សឲ្យរំឭកឡើងវិញអំពីឃ្លាបទគម្ពីរគន្លឹះមួយទៀត គឺត្រូវឲ្យពួកគេបំបែកឃ្លាទាំងនោះចេញពីគ្នា ។ បោះពុម្ពឃ្លានីមួយៗចេញមក ហើយកាត់វា ដោយឲ្យក្រដាសនីមួយៗមានតែមួយពាក្យប៉ុណ្ណោះ ។ អ្នកអាចបែងចែកសិស្សជាក្រុមតូចៗ ហើយចែកឃ្លាបទគម្ពីរគន្លឹះមួយឈុតទៅឲ្យក្រុមនីមួយៗដើម្បីឲ្យពួកគេបង្កើតជាឃ្លាបទគម្ពីរគន្លឹះពេញលេញ ។ សូមអញ្ជើញក្រុមផ្សេងៗទៀតបំបែកពាក្យទាំងអស់ចេញ ដើម្បីឲ្យពួកគេផ្គុំឃ្លាបទគម្ពីរគន្លឹះឡើងវិញឲ្យត្រូវតាមលំដាប់ ។ បន្ទាប់ពីក្រុមទាំងអស់ធ្វើរួចរាល់ ពួកគេអាចប្តូរក្រដាសគ្នា បន្ទាប់មកធ្វើសកម្មភាពដដែលនេះឡើងវិញ ។

សូមបំពេញក្នុងចន្លោះជាមួយនឹងពាក្យដែលបាត់ពីក្នុងឃ្លាបទគម្ពីរគន្លឹះ ។

« សូមសួរដោយចិត្ត គឺដោយស្មោះ ដោយមានសេចក្ដីជំនឿជឿដល់ព្រះគ្រីស្ទ ។ … ហើយដោយព្រះចេស្តានៃព្រះវិញ្ញាណបរិសុទ្ធ នោះអ្នករាល់គ្នាអាច សេចក្តីពិតនៃគ្រប់ការណ៍ទាំងអស់ » ។ ( មរ៉ូណៃ ១០:៤–៥ )
« នោះត្រូវតែមាន មួយកើតឡើង… ត្រូវមាន ការបូជាមួយ និង » ។ ( អាលម៉ា ៣៤:៩–១០ )
« គឺនៅលើ នៃ នៃយើង … ដែលកូនត្រូវសង់ របស់កូន » ។ ( ហេលេមិន ៥:១២ )
« ដ្បិតអ្នករាល់គ្នាពុំទទួល ឡើយ លុះដល់ពេលក្រោយពី នៃ របស់អ្នកសិន » ។ ( អេធើរ ១២:៦ )
« យើងបានធ្វើការនេះ ដោយបានស៊ូទ្រាំតាម នៃ ចំពោះគ្រប់ការណ៍ទាំងអស់ ចាប់តាំងពី មក » ។ ( នីហ្វៃទី៣ ១១:១០–១១ )

សកម្មភាពរំឭកឡើងវិញ ទី ៣ ៖ អនុវត្តគោលលទ្ធិ

ជួយសិស្សឲ្យអនុវត្តតាមគោលលទ្ធិដែលបានបង្រៀននៅក្នុងវគ្គបទគម្ពីរចំណេះចំណានខាងគោលលទ្ធិទៅនឹងស្ថានភាពជីវិតជាក់ស្តែង ។ វិធីមួយក្នុងការធ្វើកិច្ចការនេះ គឺត្រូវបង្ហាញសាច់រឿងប្រឌិតខាងក្រោម ។ បន្ទាប់មក សូមអញ្ជើញសិស្សឲ្យសម្រេចចិត្តថា វគ្គបទគម្ពីរចំណេះចំណានខាងគោលលទ្ធិមួយណាដែលអាចជួយបុគ្គលនោះនៅក្នុងសាច់រឿងប្រឌិតនីមួយៗ ។ សូមអញ្ជើញសិស្សឲ្យពន្យល់អំពីរបៀប ដែលគោលលទ្ធិដែលបានបង្រៀននៅក្នុងវគ្គបទគម្ពីរ ដែលពួកគេបានជ្រើសរើសអាចជួយដល់ពួកគេបាន ។

សកម្មភាពនេះអាចធ្វើជាលក្ខណៈបុគ្គល ជាក្រុម ជាមួយសិស្សក្នុងថ្នាក់ទាំងមូល ឬប្រើវិធីទាំងបីនេះ ។

យុវនារីម្នាក់ដែលកំពុងរៀនអំពីសាសនាចក្រចង់ដឹងថា តើនាងគួរធ្វើអ្វីខ្លះដើម្បីដើរតាមព្រះយេស៊ូវគ្រីស្ទ ។
ថ្មីៗនេះ យុវជនមួយក្រុមបានចាប់ផ្តើមជេរប្រមាថដល់មិត្តភក្តិជាច្រើនរបស់ពួកគេនៅសាលា ។
មិត្តរបស់អ្នកមិនយល់អំពីសារៈសំខាន់នៃព្រះយេស៊ូវគ្រីស្ទ ហើយសួរអ្នកពីចំណុចអ្វីខ្លះដែលទ្រង់បានធ្វើសម្រាប់ពួកយើង ។
យុវជនម្នាក់ចង់ដឹងអំពីរបៀបដែលគាត់អាចទទួលបានជំនួយ និងកម្លាំងមកពីព្រះ ដើម្បីទទួលបានការការពារពីការល្បួងរបស់អារក្សសាតាំង ។

សកម្មភាពរំឭកឡើងវិញ ទី ៤ ៖ ប្រើប្រាស់គោលការណ៍នៃការទទួលបានចំណេះដឹងខាងវិញ្ញាណ

សូមជួយសិស្សឲ្យរំឭកគោលការណ៍នៃការទទួលបានចំណេះដឹងខាងវិញ្ញាណឡើងវិញ ហើយផ្តល់ឱកាសមួយដល់ពួកគេដើម្បីអនុវត្តទៅលើការប្រើប្រាស់គោលការណ៍ទាំងនោះនៅក្នុងស្ថានភាពជីវិតពិត ។ ខាងក្រោមនេះ គឺជាវិធីមួយដើម្បីធ្វើកិច្ចការនេះ ។

សូមស្រមៃគិតពីសាច់រឿងខាងក្រោមនេះ ៖

ពេលខ្លះយុវនារីម្នាក់មានអារម្មណ៍ថា ព្រះបញ្ញត្តិរបស់ព្រះមានការរឹតត្បិតខ្លាំងពេក ។ នាងឆ្ងល់ថា តើនាងនឹងសប្បាយចិត្តជាងនេះទៀតឬអត់ ប្រសិនបើនាងគ្រាន់តែរស់នៅតាមរបៀបណាដែលនាងមានអារម្មណ៍ថាវាល្អបំផុតសម្រាប់នាង ។

សូមពិចារណាគិតអំពីរបៀបដែលអ្នកអាចប្រើប្រាស់គោលការណ៍ខាងក្រោមនេះអំពីការទទួលបានចំណេះដឹងខាងវិញ្ញាណ ដើម្បីជួយដល់ក្មេងជំទង់ម្នាក់នេះស្វែងរកព្រះវរបិតាសួគ៌ និងព្រះយេស៊ូវគ្រីស្ទ ដើម្បីទទួលបានជំនួយទៅលើបញ្ហាកង្វល់របស់នាង ។

ធ្វើសកម្មភាពដោយសេចក្ដីជំនឿ ។
ពិនិត្យមើលគោលគំនិត និងសំណួរទាំងឡាយដោយការប្រើទស្សនដ៏អស់កល្បមួយ ។
ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព ។

តើអ្នកអាចប្រើប្រាស់គោលការណ៍ទាំងបីនៃការទទួលបានចំណេះដឹងខាងវិញ្ញាណដើម្បីជួយដល់ស្ថានភាពនេះយ៉ាងដូចម្ដេច ?
តើវគ្គបទគម្ពីរចំណេះចំណានខាងគោលលទ្ធិមួយណាមកពីពាក់កណ្តាលនៃវគ្គសិក្សានេះអាចជួយដល់អ្នកបាន ? តាមរបៀបណា ?
តើអ្នកមានបទពិសោធន៍អ្វីខ្លះទាក់ទងនឹងការប្រើប្រាស់គោលការណ៍នៃការទទួលបានចំណេះដឹងខាងវិញ្ញាណ ដើម្បីដោះស្រាយបញ្ហាកង្វល់ផ្ទាល់ខ្លួនរបស់អ្នក ?

សកម្មភាពរំឭកឡើងវិញ ទី ៥ ៖ វគ្គបទគម្ពីរដែលមានអត្ថន័យជាពិសេសនៅក្នុងជីវិតរបស់អ្នក

សូមអញ្ជើញសិស្សឲ្យគិតពិចារណាអំពីវគ្គបទគម្ពីរចំណេះចំណានខាងគោលលទ្ធិមួយណា ដែលមានឥទ្ធិពលខ្លាំងបំផុតដល់ពួកគេ ។ ឧទាហរណ៍ ពួកគេអាចនឹងជ្រើសរើសវគ្គបទគម្ពីរមួយ ដែលជួយដល់ពួកគេឲ្យទទួលបានអារម្មណ៍នៃសេចក្ដីស្រឡាញ់របស់ព្រះវរបិតាសួគ៌ និងព្រះយេស៊ូវគ្រីស្ទ ឬជួយដល់ពួកគេឲ្យយល់កាន់តែច្បាស់អំពីព្រះយេស៊ូវគ្រីស្ទ និងដង្វាយធួនរបស់ទ្រង់ ។

តើវគ្គបទគម្ពីរចំណេះចំណានខាងគោលលទ្ធិមួយណាដែលមានអត្ថន័យ ឬមានប្រយោជន៍ចំពោះអ្នក ? តើវាមានអត្ថន័យ ឬមានប្រយោជន៍យ៉ាងដូចម្ដេច ?

អ្នកនឹងមានឱកាសចែកចាយការយល់ដឹង និងបទពិសោធន៍ទាំងនេះជាផ្នែកមួយនៃការវាយតម្លៃនេះ ។

សូមពិចារណាលើការចែកចាយសំណៅមេរៀនខាងក្រោមនេះដល់សិស្ស ដើម្បីជួយដល់ពួកគេរៀបចំសម្រាប់ « ចំណេះចំណានខាងគោលលទ្ធិ ៖ ការវាយតម្លៃទី ២ » ។

ចំណេះចំណានខាងគោលលទ្ធិ ៖ ការវាយតម្លៃទី ២ —សៀវភៅណែនាំការសិក្សា

ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ២០២៤ )—« ចំណេះចំណានខាងគោលលទ្ធិ ៖ ការវាយតម្លៃទី ២ ៖ អាលម៉ា ៧:១១–១៣ រហូតដល់ មរ៉ូណៃ ១០:៤–៥ »

ទន្ទេញសេចក្ដីយោង និងឃ្លាបទគម្ពីរគន្លឹះ

សូមស្គាល់សេចក្ដីយោងវគ្គបទគម្ពីរចំណេះចំណានខាងគោលលទ្ធិ និងឃ្លាបទគម្ពីរគន្លឹះ ។ អ្នកប្រហែលជាចង់ទាញយក និងប្រើកម្មវិធីឧបករណ៍ចល័តចំណេះចំណានខាងគោលលទ្ធិ ដើម្បីជួយអ្នកឲ្យរំឭកឡើងវិញ ។

ចំណេះចំណានខាងគោលលទ្ធិនៃព្រះគម្ពីរមរមន ៖ អាលម៉ា–មរ៉ូណៃ

សេចក្តីយោងបទគម្ពីរ	ឃ្លាបទគម្ពីគន្លឹះ
សេចក្តីយោងបទគម្ពីរ អាលម៉ា ៧:១១–១៣	ឃ្លាបទគម្ពីគន្លឹះ « ហើយទ្រង់នឹងយាងទៅដោយរងការឈឺចាប់ និង ទុក្ខវេទនា និង ការល្បួងគ្រប់បែបយ៉ាង » ។
សេចក្តីយោងបទគម្ពីរ អាលម៉ា ៣៤:៩–១០	ឃ្លាបទគម្ពីគន្លឹះ « នោះត្រូវតែមានដង្វាយធួនមួយកើតឡើង …ការបូជាមួយដ៏និរន្តរ៍ និងអស់កល្បជានិច្ច » ។
សេចក្តីយោងបទគម្ពីរ អាលម៉ា ៣៩:៩	ឃ្លាបទគម្ពីគន្លឹះ « កុំទៅតាមសេចក្តីសម្រើបនៃភ្នែករបស់ខ្លួនទៀតឡើយ » ។
សេចក្តីយោងបទគម្ពីរ អាលម៉ា ៤១:១០	ឃ្លាបទគម្ពីគន្លឹះ « សេចក្ដីទុច្ចរិតពុំដែលជាសុភមង្គលឡើយ » ។
សេចក្តីយោងបទគម្ពីរ ហេលេមិន ៥:១២	ឃ្លាបទគម្ពីគន្លឹះ « គឺនៅលើសិលានៃព្រះដ៏ប្រោសលោះនៃយើង … ដែលកូនត្រូវសង់គ្រឹះរបស់កូន » ។
សេចក្តីយោងបទគម្ពីរ នីហ្វៃទី៣ ១១:១០–១១	ឃ្លាបទគម្ពីគន្លឹះ « យើងបានធ្វើការនេះ ដោយបានស៊ូទ្រាំតាមព្រះហឫទ័យនៃព្រះវរបិតាចំពោះគ្រប់ការណ៍ទាំងអស់ ចាប់តាំងពីដើមដំបូងមក »។
សេចក្តីយោងបទគម្ពីរ នីហ្វៃទី៣ ១២:៤៨	ឃ្លាបទគម្ពីគន្លឹះ « បានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ ទ្រង់ល្អឥតខ្ចោះដែរ » ។
សេចក្តីយោងបទគម្ពីរ នីហ្វៃទី៣ ២៧:២០	ឃ្លាបទគម្ពីគន្លឹះ « ចូរមករកយើង ហើយទទួលបុណ្យជ្រមុជទឹក … ប្រយោជន៍ឲ្យអ្នករាល់គ្នាអាចបានញែកចេញបរិសុទ្ធ ដោយការទទួលនូវព្រះវិញ្ញាណបរិសុទ្ធ » ។
សេចក្តីយោងបទគម្ពីរ អេធើរ ១២:៦	ឃ្លាបទគម្ពីគន្លឹះ « ដ្បិតអ្នករាល់គ្នាពុំទទួលសាក្សីឡើយ លុះដល់ពេលក្រោយពីការសាកល្បងនៃសេចក្តីជំនឿរបស់អ្នកសិន » ។
សេចក្តីយោងបទគម្ពីរ អេធើរ ១២:២៧	ឃ្លាបទគម្ពីគន្លឹះ « បើសិនជាមនុស្សលោកមករកយើង … យើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែចំពោះពួកគេវិញ » ។
សេចក្តីយោងបទគម្ពីរ មរ៉ូណៃ ៧:៤៥–៤៨	ឃ្លាបទគម្ពីគន្លឹះ « សេចក្ដីសប្បុរសគឺជាសេចក្ដីស្រឡាញ់ដ៏សុទ្ធសាធនៃព្រះគ្រីស្ទ » ។
សេចក្តីយោងបទគម្ពីរ មរ៉ូណៃ ១០:៤–៥	ឃ្លាបទគម្ពីគន្លឹះ « សូមសួរដោយចិត្តស្មោះសរ គឺដោយស្មោះអស់ពីចិត្ត ដោយមានសេចក្ដីជំនឿជឿដល់ព្រះគ្រីស្ទ … [ និង ] ដោយព្រះចេស្ដានៃព្រះវិញ្ញាណបរិសុទ្ធ នោះអ្នករាល់គ្នាអាចស្គាល់សេចក្ដីពិតនៃគ្រប់ការណ៍ទាំងអស់ » ។

អនុវត្តគោលលទ្ធិចំពោះស្ថានភាពជីវិតជាក់ស្តែង

សូមប្រើប្រាស់វគ្គបទគម្ពីរចំណេះចំណានខាងគោលលទ្ធិយ៉ាងហោចណាស់មួយ ដើម្បី ៖

ពន្យល់អំពីអ្វីដែលព្រះសុំឲ្យយើងធ្វើ ដើម្បីមានលក្ខណៈគ្រប់គ្រាន់សម្រាប់ជីវិតអស់កល្បជានិច្ច ។
ជួយដល់នរណាម្នាក់ដែលចង់ដឹងអំពីរបៀបដែលពួកគេអាចពង្រឹងទីបន្ទាល់របស់ពួកគេបាន ។
ពន្យល់អំពីសារៈសំខាន់នៃបេសកកម្មរបស់ព្រះយេស៊ូវគ្រីស្ទក្នុងនាមជាព្រះអង្គសង្គ្រោះ និងព្រះប្រោសលោះរបស់យើង ។
ពន្យល់អំពីអ្វីដែលព្រះអង្គសង្គ្រោះអាចធ្វើបាន ដើម្បីជួយដល់យើងចំពោះឧបសគ្គ ឬការល្បួងរបស់យើង ។

សូមត្រៀមខ្លួនដើម្បីចែកចាយវគ្គបទគម្ពីរចំណេះចំណានខាងគោលលទ្ធិណា ដែលមានឥទ្ធិពលដល់អ្នកខ្លាំងបំផុត និងមូលហេតុ ។

គោលការណ៍នៃការទទួលបានចំណេះដឹងខាងវិញ្ញាណ

សូមរំឭកឡើងវិញនូវ កថាខណ្ឌទី ៥–១២ នៅក្នុងផ្នែក « ការទទួលបានចំណេះដឹងខាងវិញ្ញាណ» នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២៣ ) ។ សូមពិចារណាគិតអំពីរបៀប ដែលអ្នកអាចប្រើប្រាស់គោលការណ៍នៃការទទួលបានចំណេះដឹងខាងវិញ្ញាណ ដើម្បីជួយដល់នរណាម្នាក់ឲ្យយកឈ្នះលើបញ្ហាប្រឈមមុខ ឬបញ្ហាកង្វល់ដែលគាត់កំពុងជួបប្រទះ ។