1 Nifai 8

Diwai bilong Laip

Driman bilong Lihai

Lihai i toktok long ol famili

Wanpela nait, Lihai i kisim driman i kam long Bikpela. Em i tokim ol famili long driman bilong em.

1 Nifai 8:2–4

ensel i toktok long Lihai

Long driman bilong em, Lihai i lukim wanpela man long waitpela kolos. Dispela man i tokim Lihai long bihainim em.

1 Nifai 8:5-6

Lihai insait long tudak.

Lihai i lukim olsem em i stap long hap i tudak na empti. Em i wokabaut longpela taim. Tasol tudak i no lusim em. Bihain tru, Lihai i pre long helpim.

1 Nifai 8:7–8

Lihai i lukluk long diwai i gat prut

Taim Lihai i pinis long pre, em i lukim wanpela bikpela fil. Long dispela fil i gat wanpela diwai wantaim ol waitpela prut. Lihai i ting dispela prut bai mekim em i amamas, olsem na em i kaikaim. Sol bilong em i pulap long amamas.

1 Nifai 8:9–12

Lihai i kaikai prut taim Saraia, Sam, na Nifai sanap arere long wara

Prut i teist gutpela moa long ol narapela prut. Em i swit na gutpela tru. Lihai i laik serim wantaim famili bilong em. Em i save em bai mekim ol amamas tu. Lihai i lukim Saraia, Sam, na Nifai sanap arere long wara Ol i lukluk olsem ol i lus. Lihai singaut long ol bikpela tru. Em askim ol long kam na kaikai dispela prut.

1 Nifai 8:11–15

Leman na Lemuel i wokabaut i go

Saraia, Sam, na Nifai i kam long diwai na kaikai prut. Lihai i painim Leman na Lemuel. Em i laikim ol long amamas wantaim prut tu. Tasol ol i no kam long kaikai dispela prut.

1 Nifai 8:16–18

ol pipol i kam long diwai

Bihain Lihai i lukim wanpela rot wantaim ain bilong holim na i go long diwai. Em i lukim planti pipol i wokabaut long dispela rot. Kirap nogut, wanpela bikpela tudak i kam. Tudak i mekim hat long lukluk. Wanpela wei tasol long go kamap long diwai em long holim pas long ain.

1 Nifai 8:19–24

han i holim ain

Sampela pipol i lusim rot na i lus. Ol narapela i holim long ain na i suruk i go.

1 Nifai 8:23–24

meri i kaikai prut

Taim ol i kamap long diwai, ol i kaikaim prut.

1 Nifai 8:24

diwai, wara na bikpela bilding

Lihai i lukluk antap na lukim wanpela bikpela bilding i pulap long planti pipol. Ol i mekim fani long ol pipol i kaikaim prut. Sampela husat i kaikaim prut i pilim nogut taim ol narapela i lap long ol, olsem na ol i lusim diwai. Ol raun raun i go na i lus.

1 Nifai 8:25–28, 31–32

ol pipol long diwai.

Long driman bilong em, Lihai i lukim planti moa pipol husat i holim dispela ain. Ol i suruk igo igo inap ol i kamap long diwai. Bihain ol i nildaun long diwai na kaikaim prut. Ol i no harim ol man long dispela bilding. Ol i sus long stap long diwai.

1 Nifai 8:30, 33

Lihai i toktok long ol famili

Taim Lihai i kirap long slip, em i wari long Leman na Lemuel. Ol i no bin kaikai prut long driman bilong em. Lihai i lavim Leman na Lemuel. Em i hop ol bai stap klostu long God. Em invaitim ol long kipim ol komanmen bilong God.

1 Nifai 8:36–38