“Strongpela Win long Solwara,” Ol Buk Momon Stori (2023)
“Strongpela Win long Solwara,” Ol Buk Momon Stori
Strongpela Win long Solwara
Painim bel isi long Bikpela
Bikpela tokim Lihai em i taim bilong kalap long sip. Ol famili i pekim planti kaikai bilong kaikai taim ol i ron long sip. Bihain olgeta i kalap long sip na i seil i go long promis len.
Bihain long planti de long solwara, sampela pipol i stat long mekim pasin nogut. Ol i lus ting olsem Bikpela i helpim ol.
Nifai i wari olsem ol bai mekim Bikpela i kros. Wantaim nogat helpim i kam long Bikpela, sip bilong ol bai i no nap long seif. Nifai askim ol brata bilong em long stop.
Leman na Lemuel i kros long Nifai. Ol i pasim em na krosim em. Ol i no bihainim Bikpela, na Liahona i stop long wok. I no long taim bikpela win i kam. Bihain long tripela de long bikpela win, olgeta i pret olsem wara bai daunim ol.
Famili bilong Nifai i plis askim Leman na Lemuel long rausim rop ol i pasim long Nifai. Tasol Leman na Lemuel i no larim wanpela i rausim rop long Nifai. Saraia na Lihai i sore na kisim sik. Bikpela win i no stop.
Long namba po de, Leman na Lemuel i save sip bai go daun. Ol i tanim bel na rausim rop ol i pasim Nifai wantaim. Taim Nifai i pre, bikpela win i stop. Liahona i wok gen. Nifai i yusim long stiarim sip long stretpela rot.
Bihain long planti de, ol famili i kamap long promis len.