1 Na em i kamap we ol i bin lotu long Bikpela, na ol i go aut wantaim mi, na mipela i bin wokim ol sip long narapela kain hanmak wantaim ol plang. Na Bikpela i bin soim mi long wanem we mi bai wokim sip wantaim ol plang long wan wan taim.

2 Nau mi, Nifai, i no wokim ol plang olsem long save bilong ol man, na tu mi i no wokim sip olsem long save bilong ol man, tasol mi bin wokim sip olsem Bikpela i bin soim mi, olsem na, dispela sip i no bin wokim olsem long save bilong ol man.

3 Na mi, Nifai, i bin go antap long maunten olgeta taim, na mi beten olgeta taim long Bikpela, olsem na, Bikpela i bin soim long mi ol bikpela samting tru.

4 Na em i kamap we bihain mi pinisim sip, olsem Bikpela i bin tok, ol brata bilong mi i bin lukim olsem em i gutpela, na olsem hanmak bilong sip i bin naispela tru, olsem na, ol i daunim pasin bilong ol gen long ai bilong Bikpela.

5 Na em i kamap we maus bilong Bikpela i bin kamap long papa bilong mi, olsem mipela mas kirap na go daun long sip.

6 Na em i kamap we bihain mipela redim olgeta samting, olsem planti prut na abus long bus, wantaim planti hani na ol narapela samting Bikpela i bin tokim mipela, mipela mas go daun long sip tumora wantaim olgeta kago na ol pikinini diwai bilong mipela, na wanem samting mipela i bin karim kam wantaim mipela, wan wan manmeri olsem long krismas bilong ol, olsem na, mipela olgeta i bin go daun long sip, wantaim ol meri na ol pikinini bilong mipela.

7 Na nau, papa bilong mi i bin gat tupela pikinini man long ples we nogat man i stap, na nem bilong nambawan pikinini i Jekop na nem bilong yangpela pikinini i Josep.

8 Na em i kamap we bihain mipela olgeta i bin go daun long sip wantaim olgeta kaikai na samting Bikpela i bin tokim mipela long kisim, mipela sel i go long solwara na win bin karim mipela i go long hap bilong graun bilong promis.

9 Na bihain win i bin karim mipela long planti de, lukim, ol brata bilong mi wantaim ol pikinini man bilong Ismael na tu ol meri bilong ol i stat long amamasim ol yet, inap long ol i danis na sing sing na autim ol toktok nogut, ye, tru tumas olsem ol i bin lus tingting long wanem pawa i bin karim ol i kamap long dispela hap, ye, ol i bin litimapim nogut pasin olgeta.

10 Na mi, Nifai, i stat long poret nogut tru, nogut Bikpela bai belhat wantaim mipela, na paitim mipela bikos long pasin nogut bilong mipela olsem mipela bai go aninit long solwara, olsem na, mi, Nifai, i stat long toktok long ol wantaim gutpela tok tru, tasol lukim ol i bin belhat wantaim mi, na tok: Mipela bai i no inap larim yangpela brata bilong mipela long bosim mipela.

11 Na em i kamap we Leman na Lemuel i bin kisim mi na pasim mi wantaim ol rop, na ol i bin wokim pasin nogut tru long mi, tasol, Bikpela i bin larim olsem em bai soim pawa bilong em long kamapim toktok tru bilong ol lain nogut.

12 Na em i kamap we bihain ol i pasim mi inap long mi no moa surik, dispela kampas, em Bikpela i bin redim i no moa wok.

13 Long wanem, ol i bin i no save long wanem hap ol bai stiaim sip, inap long bikpela solwara tru wantaim win i bin kamap, ye, wanpela bikpela solwara nogut tru na win, na win i bin karim mipela i go ausait long solwara tripela de, na ol i stat long poret nogut tru, nogut ol bai dring solwara na i dai, tasol, ol no slekim rop long mi.

14 Na long namba foa de, taim mipela i bin i go bek, biksi wantaim win i stat long kamap nogut tru stret.

15 Na em i kamap we, mipela i klostu tu i go aninit long solwara. Na bihain long mipela i bin go bek long solwara long fopela de, ol brata bilong mi i stat long lukim olsem ol jasmen bilong God i bin kamap long ol, olsem ol mas tanim bel long ol pasin nogut bilong ol, nogut ol bai i dai, olsem na, ol i kam long mi na slekim ol rop long ol han bilong mi, na lukim ol han bilong mi i bin solap nogut tru, na bikpela sua i bin kamap long sukuru bilong lek bilong mi.

16 Tasol, mi bin lukluk antap long God bilong mi, na mi amamasim em long olgeta de i kamap, na mi no bin tok baksait long Bikpela bikos long ol pen bilong mi.

17 Nau, papa bilong mi, Lihai, i bin autim planti samting long ol, na tu long ol pikinini man bilong Ismael, tasol, lukim, ol i poretim ol lain husat bai ol i toktok long sait bilong mi, na papa wantaim mama bilong mi bikos ol i lapun tru na hevi wantaim bikpela pen tru bikos long ol pikinini bilong ol, ol i bin sik na i stap long sik bet bilong ol.

18 Bikos long pen bilong ol wantaim bikpela sore, na pasin nogut bilong ol brata bilong mi, ol i bin klostu karim i go aut long dispela taim long bungim God bilong ol, ye, ol waitpela gras bilong ol i bin klostu karim ol yet i go daun na slip aninit long das, ye, tru tumas, ol i bin klostu tromoi ol wantaim sore go aninit long matmat igat wara.

19 Na tu Jekop wantaim Josep bikos ol yangpela na nidim planti kaikai, ol i bin sore bikos long ol pen bilong mama bilong ol, na tu meri bilong mi wantaim ai wara na beten long em, na tu ol pikinini bilong mi, ol i no bin kamapim malumalum long bel bilong ol brata bilong mi olsem na ol i no slekim rop long mi.

20 Na nogat narapela samting tasol pawa bilong God em i bin poretim ol wantaim bagarap, long kamapim malumalum ol bel bilong ol, olsem na, taim ol i lukim olsem ol i klostu go aninit long solwara, ol i bin tanim bel long samting ol i bin wokim, inap long ol i slekim rop long mi.

21 Na em i kamap we, bihain ol i slekim rop long mi, lukim, mi kisim kampas, na em i bin wok olsem mi bin laikim em long wok. Na em i kamap we, mi bin beten long Bikpela, na bihain mi beten ol win wantaim bikpela solwara i pinis, na solwara i bin stap isi tru.

22 Na em i kamap we, mi, Nifai, i bin steretim sip, na mipela sel gen i go long hap bilong graun bilong promis.

23 Na em i kamap we, bihain mipela sel long planti de, mipela kamap long graun bilong promis, na mipela go antap long graun, na sanapim ol haus sel na mipela kolim dispela graun, graun bilong promis.

24 Na em i kamap we mipela i stat long dikim graun, na mipela i stat long planim ol pikinini bilong kaikai, ye, mipela putim olgeta pikinini bilong kaikai bilong mipela insait long graun, em mipela i bin kisim i kam long graun bilong Jerusalem. Na em i kamap we ol i bin kamap gut tru, olsem na, mipela i bin kisim blesin wantaim planti kaikai.

25 Na em i kamap we, taim mipela wokabaut long ples we nogat man i stap, mipela i bin painim long graun em i bin promisim olsem ol kainkain animal bilong bus i bin i stap, meri bulmakau na man bulmakau, donki na hos, meme na meme bilong bus wantaim olgeta kainkain ol wail enimol em ol man ken kaikai na yusim. Na mipela i bin painim ol kainkain ston ain, bilong gol, na bilong silva, na tu bilong kopa.