1 Na nau, mi Nifai, mi no givim nem bilong ol lain tumbuna papa bilong mi long dispela hap long rekot bilong mi; na tu mi bai i no inap givim long ol narapela plet bihain long dispela plet mi raitim long em; long wanem, em ol i bin raitim pinis long rekot papa bilong mi lukautim; olsem na mi no raitim ol long dispela wok.

2 Long wanem, em inap long mi tok olsem mipela em ol tumbuna pikinini bilong Josep.

3 Na i no gat samting sapos mi no raitim olgeta samting bilong papa bilong mi, long wanem, ol i no inap raitim long dispela plet, bikos mi laikim rum long mi bai raitim ol samting bilong God.

4 Long wanem olgeta tingting bilong mi, em i olsem mi bai grisim ol man long kam long God bilong Abraham, na long God bilong Aisek, na long God bilong Jekop, na bai kisim selvesen.

5 Olsem na, mi no raitim ol samting em i gutpela long graun, tasol ol samting em i gutpela long God na long ol lain ol i no bilong dispela graun.

6 Olsem na, mi bai givim ol lo long ol pikinini bilong mi; olsem ol bai i no inap raitim long ol plet ol samting i no dia tumas, long lain pikinini bilong ol man.